Janitor Fish

Nabasa ko ang isang artikulo sa website ng ABS-CBN kanina lamang tungkol sa Janitor Fish at ang pinsala na dala nito sa Laguna de Bay at Marikina River...

Di ko alam kung ano nangyari at biglang dumami ang Janitor fish sa Laguna at Marikina na dati namang wala. Di ko din alam kung bakit napunta ang mga isdang yan sa mga ilog natin...

Mapanira daw ito. Salot sa mga mangingisda. Lalong kumukonti ang mga nahuhuling tilapia dahil sa isdang yan. Kumukonti din ang kita ng mga mangingisda. Ayun, tayo naman ang nagdurusa sa pamahal nang pamahal naman ang isang kilo ng mga 'to. Kahapon lang nagulat na lang ako na ang isang kilo pala ng tilapia ay umabot na sa P100.00 dito sa Laguna. Ang bangus P120.00 na. Nung isang buwan, P80.00 pa lang yun.

(Wala palang silbi ang pagtaas ng piso laban sa dolyar... at kung bakit kailangan ipagmalaki ng administrasyong Arroyo ito...)

Napaisip tuloy ako. Kaparehas pala ng Janitor Fish ang mga pulitiko sa Pinas. Oo, parehong pareho.

1a. Kailangan ang pulitiko para patakbuhin ang isang sistema para mapanatili ang kaayusan ng isang bayan.

1b. Kailangan ang janitor fish upang mapanatiling malinis ang isang aquarium.

2a. Mapinsala ang maga pulitiko sa lipunan kung mapapabayaan ang mga 'tong manghothut sa kaban ng bayan.

2b. Mapaminsala ang mga janitor fish kung mapapabayaang dumami sa mga ilog at lawa na dati'y wala ang mga ito.

3a. Gusto ng mga tao na mapatalsik sa tungkulin ang mga pulitikong salot sa lipunan.

3b. Gusto ng mga mangingisda na pagpapatayin ang mga janitor fish na nagdudulot ng salot sa kanilang kabuhayan.

4a. Ang pulitiko makapal ang mukha. Di maiihambing sa isang maskara.

4b. Ang janitor fish makapal ang balat. Pwedeng gawing wallet.

5a. Ang pulitiko nagmamalinis.

5b. Ang janitor fish naglilinis.

6a. Ang pulitiko kapit tuko sa pwesto. Kahit anong gawin mong pagpapatalsik.

7a. Ganun din ang janitor fish. Kahit anong gagawin mo, dadami at dadami ang mga ito.

8a. Ang mga tao nag aaklas laban sa mga pulitiko.

8b. Ang mga mangingisda nag aaklas laban sa mga janitor fish.

Iilan lang ang mga yan sa mga naiisip ko. Magkakulay silang pareho.

Wish ko...

Gaya ng mga mangingisda na naapektohan sa salot na dulot ng janitor fish... Sana, mapatay lahat ng mga pulitikong nagdudulot ng salot sa ating lipunan.

Posible? Posible....