Duwende

Laking probinsya ako kung san ang segbin, duwende, agta, at kung anu-ano pa ay pinapaniwalaan pa din hanggang sa ngayon. Ewan ko ba kung sino ang may pakana ng lahat nang ito at di ko din alam kung ano nasa utak nya nung inembento nya mga bagay na yun.

Isang bagay lang ang nakikitaan ko na may sense (?).

May isang building dun sa skul namin sa mindanao na may mga statwang duwende. Madami yun. Nagkalat sa isang banda. Sabi ng gwardya dun, pag gabi daw gumagalaw daw yung mga yun at paglalaruan daw kaming mga bata kung di kami uuwi sa min ng maaga. Syempre, naniniwala naman kami at isa din ako sa mga nagkakalat ng mga inembento (kong) kwento tungkol sa mga duwende sa skul.

Nagpakita sa kin ang mga duwende bago ako lumabas sa skul. Pinaligiran nila ako. Naglalaro sila. Pinaglalaruan nila ako. Lahat sila tumatawa at ang saya saya nila. Ayaw nila akong pauwiin... at kung bakit ko naimbento ang kwentong ito, di ko na maalala...

Nung grade six ako, tinanong ko minsan sa titser ko kung bakit may mga statuwa ng duwende sa building na yun. Sabi nya, swerte daw. Swerte daw pag may duwende sa paligid. Hindi daw maghihirap ang mga tao kung meron duwende sa bakod ng bahay nila. Gusto ko maniwala at muntik na din ako maniwala nun at sinabi ko yun sa nanay ko pag-uwi ko sa bahay. Syempre di naniniwala nanay ko sa kwento ko at imbento ko lang naman daw yun.

Marami nagsasabi na swerte nga kung may duwende sa bakuran mo lalo na daw kung nasa loob ng bahay mo. Siguro nga....

Pero, bakit yung mga kapitbahay namin dun sa Bohol? May mga duwende sa bakuran nila. Karamihan sa kanila mahirap pa rin... Kung totoo yun, e di sana lahat ng may mga duwende mayayaman... At kung baket karamihan ng mga pinoy ay naniniwala sa mga ganyan? Karamihan naman ay hindi nakakatulong sa pag-angat ng ating ekonomiya.

At kung bakit sa labas ng simbahan ng Quiapo may nagtitinda ng mga anting anting at nagkalat ang mga manghuhula? At kung bakit pinapahintulutan ng simbahan ang mga ganito?

At kung bakit maraming anyo si Sto. Nino sa ating bansa? May niniong gala, may niniong pulis at nakasaludo pa... at di ko na maalalang mga anyo ng ninio...

At kung bakit ang kasalan may nagsisipaan sa seremonya. Totoo to, naging sakristan ako nun. Para daw di ma-ander ang isa sa kanila. Makes sense.

Ewan.

Kahapon, may natanggap akong text...
'Sbi nLa swete at maAyos dw ang buhay pg my duwende sa bhay...
e, bkt sa malacanang,my duwende ng nakatira..
pRo hirap p rin ang pilipinas?'

Oo nga. Bakit nga kaya?