Wednesday, December 13, 2006

Sarap sarap ng first!


Tumunog telepono ko kahapon... si Ella...

"Hello?!" Sagot ko... nasa isip ko lang kukumustahin lang nya ako sa naging araw ko. O di kaya'y naisip lang nyang i-check kung ano ginagawa ko... as usual baga..

"Hon, tinawagan ka na?" tanong sa kabilang linya.

"Hindi, kanino?" Sagot ko na may halong pagkamangha. Sino ba naman tatawag sa akin sa mga kakilala nya? Hindi naman tumatawag sa kin mga byenan ko kung wala sya unless emergency. Wala lang ako hinihintay na tawag maliban sa mga katrabaho ko sa Malaysia.

"Nanalo ka daw sa raffle!" Aniya. Pero hindi masyado excited sa pagkakasabi ni Ella. Parang wala lang.

"Huh? Raffle? San raffle?" Naku, ni minsan wala akong naalala na nanalo ako sa raffle maliban sa isang set-up. Yung lahat panalo baga....

Naalala ko yung sa Philips Semicon dati. May raffle daw sa Christmas party. Syempre, excited ako. Tapos electronic raffle pa thru time-in system. Kinagabihan, nabunot pangalan ko. Nanalo ako ng grocery basket. Mga de-lata ng Purefoods ata yun, spaghetti, at keso. Pucha, ang saya ko nun, first time nga.

Anak ng tipaklong na bakla, nalaman ko na lang kinabukasan na lahat pala ng empleyado ay nanalo sa raffle. OA naman ng organizer ng paraffle na yun....
Ilang beses na rin ako tumaya sa lotto. Pero, napanalunan ko lang ay balik-taya. Tatatlong beses pa lang ata nangyari yun...

Pero eto iba. Sino ba naman magbibiro sa asawa ko ng ganun? At isa pa, hindi naman talaga pumapatol si ella sa mga nagtatawag o nagtetext na nanalo kamo kami sa raffle.
"Sa appliance center! Nanalo ka daw ng Sony DVD!" Sagot ni ella.
"Huh?" Ano daw? DVD ba kamo?

O nga pala, bumili pala kami ng appliance nung Oktubre sa tindahan na yun. di ko pa nga pinansin yung raffle stub at sa dinami-dami nang pa-raffle na sinalihan ko lalo sa mga mall e ni minsan ay hindi ako nanalo kahit isang lata ng sardinas man lang na premyo.

"Forward ko sa 'yo text ng appliance center. Punta ka na dun at dalhin mo yung raffle stub at yung resibo para ma-claim mo na." sabay binaba ni ella ang telepono.

Segundo lang pagitan natanggap ko text ni Ella...

"Ma'am, sa appliance center to.nanalo si ardel jay lagat ng sony dvd sa raffle. punta sya dito dla ID at rsibo. thanks!"

Okay! totoo na to! Dali-dali kong hinanap yung resibo at sa tagal na ay hindi ko na matandaan kung saan ko itinabi yun. Nagkalat muna ako sa bahay at voila! nakita ko na ang katumbas ng isang DVD player!
'Di ko talaga to malilimutan. Ito'y isang una. Ito'y isang makabuluhang parte sa kasaysayan ng buhay ko.

At ang karanasan na yun ay nagsasabi sa kin... "Jay, tumaya ka ulit sa lotto..."

Sarap ng first!

3 comments:

manilenya said...

lol! congrats ako kaya kaylan mananalo? :)

Jay Lagat said...

hehehe!!! kung di ka tataya o sasali, di ka mananalo, ate nalen! lol!

sleeping beast said...

nasubukan mo na bang magbalik taya kua? panu ba yun babalik ka sa outlet?